ભારત અને શ્રીલંકા દ્વારા સંયુક્ત રીતે યોજાનારા ICC મેન્સ T20 વર્લ્ડ કપ 2026 માટે ઓસ્ટ્રેલિયન ટીમની જાહેરાત ગુરુવાર, 1 જાન્યુઆરીએ કરવામાં આવી હતી. આગામી T20 વર્લ્ડ કપ માટે ઓસ્ટ્રેલિયાએ મિશેલ માર્શની કેપ્ટનશીપ હેઠળ પોતાની 15 સભ્યોની ટીમની જાહેરાત કરી દીધી છે.
શ્રીલંકા અને ભારતીય પરિસ્થિતિઓને ધ્યાનમાં રાખીને ટીમમાં સ્પિન બોલિંગના વિકલ્પો પર વધુ ભાર મૂક્યો છે. આ ટીમમાં કેટલાક નવા ચહેરાઓને તક આપવામાં આવી છે, જ્યારે ફિટનેસની સમસ્યાઓનો સામનો કરી રહેલા સિનિયર ખેલાડીઓ પર પણ વિશ્વાસ યથાવત રાખવામાં આવ્યો છે.
https://x.com/ICC/status/2006594842097496264?s=20
હોબાર્ટ હરિકેન્સના ઓલરાઉન્ડર મિશેલ ઓવેનને મિશેલ માર્શની કેપ્ટનશીપ હેઠળની 15 સભ્યોની ટીમમાંથી બાકાત રાખવામાં આવ્યો છે, જે સૌથી આશ્ચર્યજનક નિર્ણય માનવામાં આવે છે.પરંતુ કેમરૂન ગ્રીનની વાપસી અને અનુભવી માર્કસ સ્ટોઇનિસની હાજરીને કારણે તે ટીમમાં સ્થાન મેળવી શક્યો નહીં.પસંદગીકારોએ બેન દ્વારશુઇસની જગ્યાએ બ્રિસ્બેન હીટના ફાસ્ટ બોલર ઝેવિયર બાર્ટલેટનો સમાવેશ કર્યો છે.બેટિંગ ઓલરાઉન્ડર મેથ્યુ શોર્ટ, સ્પિનર મેથ્યુ કુહનેમેન અને ઝેવિયર બાર્ટલેટ પણ ઓસ્ટ્રેલિયા માટે T20 વર્લ્ડ કપમાં ડેબ્યૂ કરી શકે છે.
T20 વર્લ્ડ કપ માટે ઓસ્ટ્રેલિયન ટીમ
મિશેલ માર્શ (કેપ્ટન), ઝેવિયર બાર્ટલેટ, કૂપર કોનોલી, પેટ કમિન્સ, ટિમ ડેવિડ, કેમરૂન ગ્રીન, નાથન એલિસ, જોશ હેઝલવુડ, ટ્રેવિસ હેડ, જોશ ઇંગ્લિસ (વિકેટકીપર), મેથ્યુ કુહનેમેન, ગ્લેન મેક્સવેલ, મેથ્યુ શોર્ટ, માર્કસ સ્ટોઈનિસ અને એડમ ઝમ્પા.
