વડાપ્રધાન નરેન્દ્ર મોદી આજે, 17 સપ્ટેમ્બર 2026ના રોજ 76 વર્ષના થયા છે. તેમના જન્મદિવસ નિમિત્તે દેશભરમાં વિવિધ કાર્યક્રમોનું આયોજન કરવામાં આવી રહ્યું છે. સાથે જ રાજકીય નેતાઓથી લઈને ક્રિકેટ જગત અને અન્ય ક્ષેત્રની જાણીતી હસ્તીઓ દ્વારા તેમને જન્મદિવસની શુભેચ્છાઓ પાઠવવામાં આવી રહી છે.
કેન્દ્રીય ગૃહમંત્રી અમિત શાહ, રક્ષામંત્રી રાજનાથ સિંહ સહિત અનેક નેતાઓએ સોશિયલ મીડિયા દ્વારા વડાપ્રધાન મોદીને શુભેચ્છા પાઠવી છે. પૂર્વ ક્રિકેટર યુવરાજ સિંહે પણ PM મોદીને જન્મદિવસની શુભેચ્છા પાઠવી છે.
https://x.com/AmitShah/status/2100427556499648732?s=20
અમિત શાહે PM મોદીને શું કહ્યું?
કેન્દ્રીય ગૃહમંત્રી અમિત શાહે વડાપ્રધાન નરેન્દ્ર મોદીને જન્મદિવસની શુભેચ્છા પાઠવતા તેમના જાહેર જીવન અને રાષ્ટ્રસેવાના કાર્યનો ઉલ્લેખ કર્યો. અમિત શાહે સોશિયલ મીડિયા પોસ્ટમાં મોદીના જીવનને પરિશ્રમ, ત્યાગ અને સંકલ્પ સાથે જોડ્યું હતું.
અમિત શાહ ઉપરાંત રક્ષામંત્રી રાજનાથ સિંહે પણ PM મોદીને શુભેચ્છા પાઠવી હતી. તેમણે લખ્યું કે મોદીજીના નેતૃત્વમાં ભારત **’વિકસિત ભારત’**ના લક્ષ્ય તરફ આગળ વધી રહ્યું છે.
યુવરાજ સિંહે પણ પાઠવી ખાસ શુભેચ્છા
પૂર્વ ભારતીય ક્રિકેટર યુવરાજ સિંહે પણ વડાપ્રધાન નરેન્દ્ર મોદીને જન્મદિવસની શુભેચ્છા પાઠવી છે. તેમણે PM મોદીના નેતૃત્વનો ઉલ્લેખ કરતાં ભારતને વધુ મજબૂત અને પ્રગતિશીલ ભવિષ્ય તરફ લઈ જવાની વાત કરી હતી અને તેમના સારા સ્વાસ્થ્ય તથા ખુશીઓની કામના કરી હતી.
રાષ્ટ્રપતિ સહિત અનેક નેતાઓએ પાઠવી શુભેચ્છા
PM મોદીના 76મા જન્મદિવસે રાષ્ટ્રપતિ દ્રૌપદી મુર્મુ સહિત અનેક કેન્દ્રીય મંત્રીઓ, મુખ્યમંત્રીઓ અને અન્ય નેતાઓએ તેમને શુભેચ્છા પાઠવી છે. રાષ્ટ્રપતિ મુર્મુએ તેમના સંદેશમાં સુશાસન અને સમાવેશી વિકાસ સાથે જોડાયેલા યોગદાનનો ઉલ્લેખ કર્યો હતો
વડાપ્રધાન મોદીના જન્મદિવસને લઈને ગુજરાતમાં પણ વિવિધ કાર્યક્રમો યોજાઈ રહ્યા છે. અમદાવાદ સહિત રાજ્યના અનેક વિસ્તારોમાં દીવા પ્રગટાવવા, સેવા કાર્યક્રમો અને અન્ય સામાજિક કાર્યક્રમોનું આયોજન કરવામાં આવ્યું છે.
વડનગરથી શરૂ થયો ખાસ કાર્યક્રમ
PM મોદીના જન્મદિવસ નિમિત્તે તેમના વતન વડનગરમાં પણ વિશેષ કાર્યક્રમો યોજાયા છે. ગૃહમંત્રી અમિત શાહે વડનગરમાં શર્મિષ્ઠા તળાવ ખાતે મહાઆરતીમાં ભાગ લીધો હતો અને વડનગરથી વારાણસી સુધીની બાઇક યાત્રાને પ્રસ્થાન કરાવ્યું હતું.
આ કાર્યક્રમોને PM મોદીના જન્મદિવસ ઉપરાંત તેમના જાહેર જીવનના 25 વર્ષ પૂર્ણ થવા સાથે પણ જોડવામાં આવ્યા છે. 7 ઓક્ટોબર 2026ના રોજ તેઓ ચૂંટાયેલા જાહેર પ્રતિનિધિ તરીકે 25 વર્ષ પૂર્ણ કરશે.
PM મોદીનો 76મો જન્મદિવસ
નરેન્દ્ર મોદીનો જન્મ 17 સપ્ટેમ્બર 1950ના રોજ ગુજરાતના વડનગરમાં થયો હતો. 17 સપ્ટેમ્બર 2026ના રોજ તેઓ 76 વર્ષના થયા છે. તેમના જન્મદિવસે દેશના વિવિધ વિસ્તારોમાં શુભેચ્છાઓ અને વિવિધ જાહેર કાર્યક્રમો યોજાઈ રહ્યા છે.
