આધાર કાર્ડમાં મોબાઇલ નંબર ચેન્જ કરવાનું હવે સહેલું થઈ રહ્યું છે. અત્યાર સુધી લોકોને મોબાઈલ નંબર બદલાવવા માટે સેન્ટર પર જવું પડતું હતું. જોકે હવે યુઝર્સ તેમની આધાર ઍપ્લિકેશન પરથી જ એને બદલી શકશે.
આધારને નિયંત્રિત કરતી સંસ્થા યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI)એ નવી ડિજિટલ સેવાની જાહેરાત કરી છે.
આ રીતે કરી શકાશે મોબાઈલ નંબર અપડેટ
સૌ પ્રથમ યુઝર્સે આધાર એપ ડાઉનલોડ કરવી પડશે.
- અહીં યુઝર્સે પોતાનો આધાર નંબર અને નવો મોબાઇલ નંબર દાખલ કરવો પડશે.
- OTP વેરિફિકેશન થશે, જે જૂના અથવા નવા નંબર પર મોકલવામાં આવશે.
- આ પછી સ્માર્ટફોન કેમેરાથી ફેસ ઓથેન્ટિકેશન પૂર્ણ કરવું પડશે.
- ₹50નું પેમેન્ટ કર્યા પછી ફોર્મ સબમિટ કરવું પડશે. બાયોમેટ્રિક અપડેટ સાથે આ મફત રહેશે.
- અપડેટ સ્ટેટસ ચેક કરવા માટે URN નંબરથી UIDAI વેબસાઇટ પર જોઈ શકાશે, જે 2-4 અઠવાડિયામાં રિફ્લેક્ટ થઈ જશે.
