પાકિસ્તાનના ભૂતપૂર્વ વડા પ્રધાન ઇમરાન ખાને 22 એપ્રિલના રોજ જમ્મુ કાશ્મીરના પહલગામ આતંકવાદી હુમલાને ‘અત્યંત ચિંતાજનક અને દુઃખદ’ ગણાવ્યો અને કહ્યું કે ભારતે જવાબદારીપૂર્વક કાર્ય કરવાની જરૂર છે.
https://x.com/ImranKhanPTI/status/1917257395530784969?t=JNLsbPEXvQ0E81_a2f_84g&s=19
ઇમરાન ખાને સોશિયલ મીડિયા એકાઉન્ટ X પર એક પોસ્ટમાં કહ્યું, ‘પહલગામ ઘટનામાં થયેલા જાનહાનિ અત્યંત ચિંતાજનક અને દુઃખદ છે.’ હું પીડિતો અને તેમના પરિવારો પ્રત્યે સંવેદના વ્યક્ત કરું છું.’ વધુમાં ઈમરાન ખાને કહ્યું કે, ‘જ્યારે પુલવામા ઘટના બની, ત્યારે અમે ભારતને શક્ય તેટલી મદદની ઓફર કરી હતી, પરંતુ ભારત કોઈ નક્કર પુરાવા આપવામાં નિષ્ફળ ગયું.’ જેમ મેં 2019 માં આગાહી કરી હતી, પહલગામ ઘટના પછી ફરીથી એ જ ઘટના બની રહી છે. આત્મનિરીક્ષણ અને તપાસને બદલે, મોદી સરકાર ફરીથી પાકિસ્તાન પર દોષારોપણ કરી રહી છે.’
આપણે જણાવી દઈએ કે, આ પહેલા શાહબાઝને તેમના મોટા ભાઈ અને પાકિસ્તાનના પૂર્વ પીએમ નવાઝ શરીફે ભારત સાથે ગડબડ ન કરવાની સલાહ આપી છે.પાકિસ્તાની અખબાર Tribune.pk અનુસાર, નવાઝે શાહબાઝ શરીફને ભારત સાથેના વણસેલા સંબંધો સુધારવા માટે રાજદ્વારી સ્તરે આ મુદ્દાને ઉકેલવાની સલાહ આપી છે. પાકિસ્તાની અખબારો અનુસાર, નવાઝે કથિત રીતે કહ્યું છે કે તે ભારત સાથે યુદ્ધ ઇચ્છતા નથી કારણ કે તે પાકિસ્તાન માટે સારું રહેશે નહીં.
