હિન્દી સિનેમા હાલ એક સુંદર સમયગાળામાંથી પસાર થઈ રહ્યું છે, કારણ કે ફિલ્મ ઇન્ડસ્ટ્રીમાં નવા ચહેરાઓની એક નવી લહેર આવી રહી છે, જેણે સૌનું ધ્યાન ખેંચ્યું છે. આ જ સિલસિલાને આગળ વધારતાં લવ ફિલ્મ્સ પોતાની રોમેન્ટિક ડ્રામા ફિલ્મ ‘પહેલા પ્યાર દુસરી બાર’ લઈને આવ્યું છે.
આ ફિલ્મનું દિગ્દર્શન ડેબ્યુટન્ટ ડિરેક્ટર અનુજ સૈનીએ કર્યું છે, જ્યારે ફિલ્મનું નિર્માણ લવ રંજન અને અંકુર ગર્ગે કર્યું છે. ખાસ વાત એ છે કે આ ફિલ્મ દ્વારા નિર્માતાઓએ 6 નવા અને અત્યંત પ્રતિભાશાળી ચહેરાઓને લોન્ચ કર્યા છે. હવે ફિલ્મની રિલીઝ બાદ તેની યુવા સ્ટારકાસ્ટ અમદાવાદ પહોંચી હતી, જ્યાં તેમણે થિયેટરમાં દર્શકોની વચ્ચે જઈને ફિલ્મને મળી રહેલા પ્રતિસાદને પોતાની નજરે નિહાળ્યો હતો.
ફિલ્મ ‘પહેલા પ્યાર દુસરી બાર’ની ટીમ અમદાવાદના એક થિયેટરમાં પહોંચી હતી, જ્યાં ફિલ્મના સ્ક્રીનિંગ દરમિયાન તેમણે દર્શકોની પ્રતિક્રિયાઓ જોઈ હતી. આ દરમિયાન ટીમે દર્શકોમાં ફિલ્મને લઈને રહેલો ઉત્સાહ અને તેમની પ્રતિક્રિયાઓને નજીકથી અનુભવ્યાં હતાં. અલીશા ચોપરા, સ્પર્શ વાલિયા, સાક્ષી વૈદ્ય, કુણાલ વૈદ, સરગુન કૌર લુથરા અને તુષાર છિબ્બર થિયેટરમાં દર્શકોની વચ્ચે પહોંચ્યા હતા અને ફિલ્મને મળી રહેલા પ્રેમ તથા પ્રતિસાદનો અનુભવ કર્યો હતો.
23 ઑક્ટોબર, 2026ના રોજ દેશભરના સિનેમાઘરોમાં રિલીઝ થયેલી આ ફિલ્મમાં આધુનિક પ્રેમ, મિત્રતા અને સંબંધોમાં આવતી મજેદાર ઊથલપાથલને સુંદર રીતે રજૂ કરવામાં આવી છે. તાજેતરમાં રિલીઝ થયેલા ફિલ્મના મજેદાર ટ્રેલરને દર્શકોએ ખૂબ પસંદ કર્યું છે. ટ્રેલરમાં જોવા મળતી ઊર્જા, ચટપટી વાતચીત અને મજેદાર ક્ષણોએ દર્શકોનું ધ્યાન ખેંચ્યું છે, જેના કારણે તેઓ ફિલ્મની વાર્તા અને પાત્રો સાથે જોડાણ અનુભવી રહ્યા છે.
‘પહેલા પ્યાર દુસરી બાર’ યુવાનો, પ્રેમ અને સાથે રહેવા દરમિયાન આવતા ઉતાર-ચઢાવ પર આધારિત એક નવીન અને હૃદયસ્પર્શી વાર્તા રજૂ કરે છે. યુવા ઊર્જાથી ભરપૂર આ ફિલ્મ 23 ઑક્ટોબર, 2026ના રોજ દેશભરના સિનેમાઘરોમાં રિલીઝ થઈ ચૂકી છે.
