આજે રવિવાર એટલે કે 7મી સપ્ટેમ્બર, 2025ના રોજ ભાદરવા સુદ પૂનમના દિવસે ખગ્રાસ ચંદ્રગ્રહણ છે. ભારત સહિત વિશ્વના અનેક દેશોમાં સંપૂર્ણ ચંદ્રગ્રહણ જોવા મળશે. જ્યોતિષશાસ્ત્રમાં ચંદ્રગ્રહણ એક મહત્ત્વપૂર્ણ ખગોળીય અને જ્યોતિષીય ઘટના માનવામાં આવે છે.
આ સંપૂર્ણ ચંદ્રગ્રહણ વધુમાં સંપૂર્ણ ‘બ્લડ મૂન’ બની જશે, એટલે કે ચંદ્ર લાલ રંગનો દેખાશે અને સામાન્ય કરતાં વધુ મોટો દેખાશે.આફ્રિકાના પૂર્વ પટ્ટામાં, યુરોપ, પશ્ચિમી ઑસ્ટ્રેલિયા અને ભારત સહિત એશિયાના મોટા ભાગના દેશોમાં ચંદ્રગ્રહણની સંપૂર્ણ ઘટના શરૂઆતથી અંત સુધી જોઈ શકાશે.
આ ચંદ્રગ્રહણ 3 કલાક અને 28 મિનિટ સુધી ચાલશે. તેનો સૂતક કાળ ગ્રહણ શરૂ થવાના 9 કલાક પહેલા શરૂ થશે. આ ચંદ્રગ્રહણ કુંભ રાશિમાં થશે અને તે સમયે પૂર્વા ભાદ્રપદ નક્ષત્ર છે. ચંદ્રગ્રહણ સમયે ધૃતિ યોગ રચાશે. આજનું ચંદ્રગ્રહણ રાત્રે 09:57 વાગ્યે થશે. દૃક પંચાંગ મુજબ, ચંદ્રગ્રહણનો પેનમ્બ્રા સાથે પહેલો સંપર્ક રાત્રે 08:59 વાગ્યે થશે અને પેનમ્બ્રા સાથે પહેલો સંપર્ક રાત્રે 09:58 વાગ્યે થશે.આ ચંદ્રગ્રહણ પૂર્ણ ચંદ્રગ્રહણ છે. પૂર્ણ ચંદ્રગ્રહણનો અર્થ એ છે કે તે પૂર્ણ ગ્રહણ કરતાં આકાશના મોટા વિસ્તારને આવરી લે છે. પૂર્ણ ગ્રહણ રાત્રે ૧૧:૦૧ વાગ્યે શરૂ થશે. તેનું મહત્તમ ગ્રહણ રાત્રે ૧૧:૪૨ વાગ્યે હશે. પૂર્ણ ગ્રહણ મોડી રાત્રે ૧૨:૨૨ વાગ્યે સમાપ્ત થશે.
ભારતમાં ચંદ્રગ્રહણનો સમય:
ચંદ્રગ્રહણની શરૂઆત : રાત્રે 9 કલાક અને 57 મિનિટથી (ભારતીય સમય અનુસાર), 7 સપ્ટેમ્બર
સંપૂર્ણ ચંદ્રગ્રહણ (બ્લડ મૂન ફેઝ) : રાત્રે 11 કલાક થી 12 કલાક અને 22 મિનિટ સુધી
ચંદ્રગ્રહણનો અંત: સવારે 2 કલાક અને 25 મિનિટ, સપ્ટેમ્બર 8
સૂતક કાળમાં શું ન કરવું
સૂતક કાળ દરમિયાન, રસોઈ, ખાવાનું, સ્નાન, દાન, સૂવું, પૂજા વગેરે જેવી બધી શુભ પ્રવૃત્તિઓ બંધ રહે છે. પરંતુ સૂતક કાળના આ નિયમો બાળકો, વૃદ્ધો, ગર્ભવતી સ્ત્રીઓ અને અસ્વસ્થ લોકોને લાગુ પડતા નથી. તેમને આમાંથી મુક્તિ આપવામાં આવી છે
